General Santos City – Arestado ang usa ka babaye sa kasong Anti-Trafficking in Persons sa mga operatiba sa GenSan PNP sa Digos Makar Road, Brgy. Lagao, General Santos City ning nakalabay’ng adlaw (Septiyembre 1, 2023).
Si Police Major Ivan Charles F Abastillas, Station Commander sa General Santos City Police Office-Police Station 3, niila sa suspek nga si alyas “Joanna”, 20 anyos, dalaga ug residente sa Brgy. Calumpang ning Dakbayan.
Ang nasikop nga suspek gikonsiderar nga Top 6 Regional Most Wanted Person ug Top 5 City Most Wanted Person. Matod ni PMaj Abastillas, nasikop ang suspek mga alas 5:13 sa kaadlawon sa hiniusang pwersa sa GSCPO-PS3, CIDMU, Regional Highway Patrol Unit-South Cotabato, City Intelligence Unit-gscpo, Regional Intelligence Division 12, ug GSCPO-Police Station 5 pinaagi sa Warrant of Arrest sa kasong paglapas sa Anti-trafficking in person Act of 2003. (Rem Agdon)