ANG Department of the Interior and Local Government (DILG) ug ang kagamhanang probinsiyal sa Zamboanga del Norte nipagawas og P116,000 nga hinabang pinansyal pinaagi sa Enhanced Comprehensive Local Integration Program (E-Clip) ngadto sa kanhi rebeldeng New People’s Army (NPA).
Ang E-Clip naghatag og suporta sa mga kanhi rebelde, nga karon gitawag nga “Friends Rescued,” kinsa misurender ug nangandam alang sa ilang reintegration ngadto sa mainstream society.
Ang 44IB nagkanayon nga ang E-Clip usa lang sa daghang inisyatiba sa gobyerno aron ipakita ang ilang pasalig sa paggakos sa mga tawo nga andam mosurender, pag-abante nga adunay maayong kaugmaon sa ilang pamilya ug pagluwas sa mas daghang batan-ong henerasyon aron mahimong mas maayong lider sa atong nasud.
Ang 44IB niingon nga si Dongallo maoy buhing pamatuod nga aduna pay mas maayong kinabuhi human sa pag-surrender ug adunay mas maayong paglaom sa ilang pamilya human mibalik sa sabakan sa balaod.
Ang 44IB nag-awhag sa mas daghang miyembro sa NPA nga mosurender nga malinawon ug mahimong mga tigpasiugda sa kalinaw sa katilingban.
“Dili pa ulahi ang pagpili sa usa ka mas maayo nga kinabuhi, ug pagpili sa kaluwasan ug kaugmaon sa imong pamilya,” ang 44IB miingon.
Matud pa niini nga ang gobyerno komitado sa usa ka holistic nga pamaagi sa pagtabang sa mga NPA surrenderers nga hingpit nga makabalik sa katilingban.
(Source: SunStar Zamboanga)