- Advertisement -
General Santos City – 12 ka tuig human nahitabo ang Maguindanao Massacre, usa pa ka suspek ang naaresto sa mga sakop sa Criminal Investigation and Detection Group (CIDG) Maguindanao Field Unit sa BARRM Compound, Cotabato City.
Giila ang suspek nga si Datu Harris Ampatuan Macapendeng, ang kasamtangang Brgy. Captain sa Tuayan, Datu Hoffer sa Maguindanao.
Ang nadakpang suspek may patong sa ulo nga ₱300,000 ilawom sa Department of the Interior and Local Government (DILG) Memo Circular 2010-76.
Nag-atubang kini ug 43 counts sa kasong murder.
Nasayran nga ang nasangpit ang apil sa Ampatuan Private Army nga usa sa mga mitambong sa meeting kung asa gihisgutan ang Ampatuan Massacre nga gikamatay sa 58 ka tawo niadtong November 2009.
(Source: CIDG 12)
- Advertisement -