General Santos City – Dako’g posibilidad nga dili na madilatar ang sweldo sa mga empleyado sa LGU-Gensan karong tuiga, 2024.
Kini human gipulong ni Gensan City Mayor Lorelie Pacquiao kagahapon sa buntag, Enero 2, 2024 ang mga Supervising Administrative Officers sa lokal nga kagamhanan ug gihisgotan ang pagahimoong mga lakang o aksiyon nga mas mapadali ang pag-release sa mg sweldo sa mga empleyado sa Gensan City government.
Ang maong katigoman gihimo ni Mayor Pacquio human adunay direktang naka-abot ngadto kaniyang reklamo pinaagi sa chat sa iyang Facebook messenger nga nadilatar ang ilang sweldo sulod sa pipila ka hugna sa tuig 2023, hinungdang masulob-on ang pagsugat nila sa tuig 2024 gumikan walay sweldo.
Busa gila-uman nga human sa panagtigom kagahapon sulod sa City Mayor’s Conference Room tali lang Mayor Pacquiao ug mga Supervising Administrative Officers sa LGU-Gensan, wala na’y madilatar nga sweldo sa mga empleyado. (Jun Abelo)
Photo: TatakP