Patay ang usa ka rider human nga nabanggaan og mixer truck sa may traffic light sa Barangay Crossing Bayabas Toril District, Davao City.
Giila ni Police Captain Marlon Donquilab, Station Commander sa Toril Police Station ang biktima nga si Mark Anthony Calubayan ug residente sa Purok Curbada barangay lizada, Toril district samtang ang driver sa truck giilang si Delfin Pelicano Jr.
Sumala sa report, naghunong ang motorsiklo sa traffic light ug dihang pag go niini kalit nga miliko ang mixer truck rason nga nabanggan niini ang biktima.
Dugang niini, nalagpot ang biktima ug napasok ang motor nga gidrivan niini ilawm sa truck.
Sa karon anaa na sa kustodiya sa Toril Police Station ang driver sa giingong truck.
(Camille Santos Naraga)
(Source: Toril Police Station)