General Santos City – Magpabilin ang mga institutional event sa kasaulugan sa Kalilangan 2023 sama sa parada ng lahi, street dancing competition ug ang grand culmination.
Sumala kang Shandee Llido-Pestaño, City Administrator ning dakbayan nga lakip sa mga aktibidad mao ang pagpakita sa managlahing aktibidad gikan sa 26 ka mga barangay sa syudad.
Aduna usab managlahing enrolled event sama sa marathon, fun run, dance competition ug uban pa.
Dugang pamahayag ni Shandee nga sa tanan nga mga aktibidad ang street dancing competition ang adunay pinakadako nga pondo gumikan dili lang taga Gensan ang gi-imbitahan nga musalmot sa maong aktibidad.
Pagpaklaro niini nga aron maka-awhag ug mga musalmot sa street dancing competition nga adunay nindot nga performance, kinahanglan nga muhatag ug dakong pondo.
Samtang, lakip sa mga gi-imbitahan mao ang mga national OPM band sama sa Cueshe, Rocks Teddy, Chocolate Factory ingon man ang local band nga Kuerdas.
Kalabot niini, gibutyag ni Pestaño nga daghan ang mga kalahian sa selebrasyon sa kalilangan karon nga tuig kung itandi sa naunang duha ka tuig.
Sa karon, full face to face na ang selebrasyon kung itandi niadtong 2021 ug 2022 nga naka-online, limitado ang mga aktibidad ingon man limitado ang mga bisita.
Gawas sa full face to face, mas dako usab ang gigahin nga pondo karon kung itandi sa mga nauna nga face to face celebration kung asa anaa lang sa 6 million ang pinakadako nga pondo ang nahatag.
(News & photo courtesy of LGU Gensan Facebook page)