General Santos City –Â Gipahigayon kagahapong adlawa, Oktubre 28, 2024 sa KCC Convention ang pagpanghatag sa Senior Citizen Birthday Gift Incentive alang sa mga senior citizen nga nagsaulog sa ilang adlawng natawhan sa buwan sa Oktubre.
Ang maong aktibidad gitambongan ni Gensan City Mayor Lorelie Geronimo Pacquiao nga nakig-uban sa atong mga apohan nga naa didto, pruweba sa iyang pagpakabana ug pagpasalamat sa mga tigulang sa atong komunidad.
Ubos sa pamunoan ni Mayor Pacquiao, gipasiugda sa gobyerno ang mga programa nga nagsuporta ug nag-ila sa mga senior citizen, isip pagpakita sa pagpakabana sa lokal nga kagamhanan sa matag lungsuranon ug sa mga senior nga padayong nagdasig sa mga batan-ong henerasyon.