General Santos City – Padayon ang Maritime Police Station sa pagpatuman sa balaod sa RA 9147 (Wildlife Resources Conservation and Protection Act).
Dungan sa pagpahimangno sa mga katawhan nga sundon ang maong balaod ug itugyan sa mga ahensyang nagapatuman niini kung adunay makit-ang mga nilalang nga angayan nga protektahan.
Sumala pa ni Plt. Marcelino Antonio A. Nalus, ang station chief sa Marpsta-GenSan nga gikan sa bulan sa Enero hangtud ning kasamtangan anaa na sa 13 ka mga aktibidad sa pag release sa mga pawikan ang ilang nahimo, ug anaa na sa 444 na ka mga pawikan ang nabuhian sa kadagatan.
Ning bag-uhay lang adunay 8 ka mga olive ridley sea turtles sa may Barangay Kamanga, Maasim, Sarangani Province ang nabuhian sa kadagatan pinaagi sa Maasim MPP human nga giturn-over kanila kini sa usa ka concern citizen.
(Source: GSCPO (PNP MARIG UNIT))