General Santos City – Nanawagan si PBGEN. Jimili L Macaraeg, PRO 12 Regional Director sa nahibilin pang miyembro sa Communist Terrorist Group (CTG) sa SOCCSKSARGEN nga mutahan nalang sa ilang kaugalingon bitbit ang ilang mga armas ngadto sa otoridad human sa kamatayon sa founder sa CPP nga si Jose Maria Sison.
Kahinumduman nga nakabsan sa iyang kinabuhi si Sison niadtong December 16, 2022 sa hospital sa Utrecht, The Netherlands.
Subay sa record sa PRO-12 mukabat na sa 183 ka active CTG members ang una nang mitahan sa ilang kaugalingon ug mukabat sa 113 ka managlahing matang sa armas, mga bala ug eksplosibo ang naturnover.
Basi usab sa ilang pakighinabi sa mga CTG Surenderee, ilang gisaysay ang kalisud, kagutom ug kahadlok nga ilang gibati samtang sila nagtago-tago sa tropa sa kapulisan ug militar.
Kini ang hinungdan nganong ilang gituldukan ang ilang pagsalmot sa walhong pundok Dungan sa saad nga dili nila usikan ang ilang desisyon nga pagbalik sa sabakan sa gobyerno.
Ang pagsurender sa mga nasampit ang bunga sa dugay na ug padayon nga kampanya sa Police Regional Office ug sa Regional Task Force to End Local Communist Armed Conflict (RTF-ELCAC), sa rehiyon PRO 12, ilawom sa pagdumala ni Police Brig. Gen. Macaraeg.
Ang mga misurender ang nakadawat ug initial monetary assistance ug relief goods gikan sa local government.
Samtang takdaa usab silang makadawat ug financial package pinaagi sa Enhanced Comprehensive Local Integration Program (E-CLIP).
(Source: PRO 12 Public Information Office Facebook page)