31.9 C
Manila
Tuesday, March 19, 2024

General Santos: Pagpamusil sa batan-on sa barangay Labangal tumbok na ang motibo sigun sa kapulisan

- Advertisement -

General Santos City– Segun ni Police Captain Ernesto Bautista, Deputy Chief of Police sa Police Station 2 nga may natumbok na sila nga mga anggulo bahin sa pagpamusil sa biktima apan dili pa nila mabutyag tungod nagpadayon pa ang  ginahimong imbistigasyon sa Police Station 2 kalabutan sa pagpamusil kang Christian Ronie Jay Sario,  22 anyos, residente sa Barangay Bula, kansa gipusil bandang alas 3:34 ang takna sa kabuntagon niadtong nakalabayng adlaw sa National Highway sakop sa Barangay Labangal, Gensan.

Base sa ilang inisyal nga pagsuta, posibleng gisundan ang biktima gikan sa gitrabahuan niini, pag-abot sa may National Highway sa Purok Maguindanao, didto na nakahigayon ang suspek sa pagpusil sa biktima gamit ang kalibre 45 nga pistola subay na usab sa mga nakalap nga ebidensya sa kapulisan.

Dugang pagbutyag ni Police Captain Bautista nga wala nakit-an sa akto sa mga kaubanan sa trabaho sa biktima ang aktwal nga pagpusil kaniya.

Nasayran nga gikan sa barangay Tambler, nagdali-dali matud pa ug lakaw ang biktima pauli unta sa ilang balay apan pag-abot sa lugar, didto na kini gipusil.

Sa karon, padayon ang ilang pakig-alayon sa biktima alang sa paspas nga pagsulbad sa maong kaso. Gihingusgan pa sa PNP nga posibleng sayud ang biktima sa motibo ug suspek sa pagpusil kaniya maong ila nalang gihuwat nga kini maghatag sa iyang pahayag.

(Fred Degala)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -