Cebu: Bag-ong Regional Director sa PRO-7 nilingkod na

0
17

Nilingkod na sugod kagahapong adlawa, Marso 20,2023 ang bag-ong Regional Director sa Police Regional Office (PRO-7).

Si Brigadier General Anthony Aberin maoy nipuli ni Brigadier General Jerry Bearis nga ni lingkod lang sud sa duha ka buwan ug 25 ka adlaw isip Regional Director sa PRO-7.

Si Bearis gibalhin kini isip pangulo sa Philippine National Police Aviation Security (AvSec) Group didto sa Camp Crame.

Prayoridad karon sa bag-ong Regional Director nga ipadayon ang imbestigasyon sa nahitabong Pamplona massacre nga gikamatay ni Negros Oriental Governor Roel Degamo ug laing walo ka mga tawo.

Tinguha usab ni Aberin nga sugpuon ang mga illegal gambling labi na ang e-sabong.

Dugang ni General Aberin nga iya usab ipadayon ang operations sa ginadiling drugas ug police visibility sa mga lugar nga daghan ang krimin.

Hugot usab ang suporta sa mga kapulisan sa PRO-7 sa ilang bag-ong Director.

Photo: PRO-7

via Renante Lada

Leave a Reply