Mokabat sa ₱ 81.5 million ang kantidad sa illegal nga druga ang nakumpiska sa mga kapulisan sa rehiyon 12 sulod sa unom katuig ubos sa War or Drugs campaign sa Duterte administration.
Base sa datus sa Regional Operations Division sa Police Regional Office 12, sa 10,376 anti-illegal drug operations nga gihimo sa kapulisan, mokabat sa 9,600 grams sa shabu, 117, 974 grams sa marijuana ug 400 grams sa cocaine nga nakumpiska.
Sa maong operasyon, 10, 860 drug pushers ug users ang nasikop samtang 42, 151 ka mga drug suspects ang mitahan sa kapulisan ug 31,745 niini ang gipailalom sa Recovery and Wellness Program.
Gibutyag ni Police Brigadier General Alexander Tagum, Regional Director sa PRO 12, tungod sa war on drugs campaign, miubos ang crime rate sa Socsargen. (John Rey Somido)
