Sultan Kudarat – Gipahigayon sa mga pulis sa Lebak Municipal Police Station, Sultan Kudarat ang Bisikleta Iglesia isip kabahin sa tinuig nga programa sa PNP atol sa semana santa sa nagkalain-laing lugar sa Poblacion, Lebak, Sultan Kudarat.
Ang nasangpit nga aktibidad gipangunahan ni PLTCOL JOSEPH C GALLETO, hepe sa nasangpit nga istasyon.
Nagbisikleta ang mga pulis libot sa mga dagkong simbahan sa lungsod, merkado publiko, terminal, ug mga atraksyon sa turista aron mahatagan ug seguridad ug mabantayan ang mga nahisgutang lugar.
Katuyoan sa maong aktibidad nga mamentinar ang kahapsay ug kalinaw sa mga nahisgutang lugar alang sa mas mapausbaw nga seguridad atol sa kasaulogan sa Semana Santa.
Ang Lebak PNP padayong nagpatuman sa police visibility ug proactive measures aron mapugngan ang bisan unsang krimen karong Semana Santa. (Rem Agdon)
News&Photos: PCADG12