DAVAO CITY – Gi-rescue sa mga operatiba sa Regional Special Enforcement Team sa PDEA Regional Office XI ang 16 anyos nga Children In Conflict with the Law kon CICL kinsa drug den maintainer atol gikasang drug buy bust operation sa PDEA ug PNP Drug Enforcement Group – Special Operations Unit 11 sa Purok West B, Barangay San Antonio, Agdao District, Davao City.
Giila ang na-rescue nga si alyas “Lloyd”, estudyante human mapalitan 5,000 pesos nga gituohang shabu.
Atul sa operasyon, gidakop sab ang drug den employee nga si alyas “Third” ug drug den visitor nga si alyas “Zaldy”.
Nakuha sa posisyon sa dinakpan ang 5 ka sachets nga adunay sulod sa gituohang shabu nga nagkantidad ug kapin 125,000 pesos ingon man ang marked money nga gigamit sa operasyon.
Dali usab nva Gi-turnover na sa PDEA ngadto sa CSWDO ang na-rescue nga menor de edad.(Camille Santos Naraga)(Source: Contributed)