General Santos City – Aduna nay person of interest ang Polomolok PNP kalabutan sa pagpusil patay sa usa ka Senior Citizen nga si Pedro Jamero, 74 anyos, mag-uuma residente sa Purok Felisilda, Barangay Cannery Site, Polomolok, South Cotabato.
Kini ang gikumpirma ni Police Lt. Sherwin Cervera Deputy Station Commander sa Polomolok Municipal Police Station. Sumala pa niini nga dili pa nila mabutyag ang ilhanan sa gisundang supek tungod nagpadayon pa ang ilang imbistigasyon.
Personal nga bangi ang usa sa Nakita-an sa PNP nga motibo sa krimen gumikan ang biktima ug ang suspek ang duna nay daang bingkil.
Dugang pagbutyag ni Police Lt. Cervera nga sa karon wala pa nila nakahinabi ug maayo ang pamilya sa biktima tungod busy pa ang mga nasampit sa pagpahiluna sa patay nga lawas sa biktima.
Sila sa kapulisan ang padayon pa karon nga nangalap ug lig-on nga ebidensya batok sa ilang person of interest.
Kahibaloan nga yano lang nga gisulod sa suspek ang biktima sa ilang panimalay ug gipusil sa makadaghang higayon igo sa nagkandaiyang parte sa lawas nga hinungdam sa iyang kamatayon.
(Source: Polomok PNP)