General Santos City: Ang hiniusang paningkamot sa hiniusang elemento sa Alabel Municipal Police Station, uban sa Provincial Intelligence Unit, RID-12, 1st PMFC-Sarangani, ug uban pang law enforcement operating units, malampusong nasikop si alyas “Lanoy”, nga nalista isip Top 10 Most Wanted Person (Regional Level), sa Barangay Ladol Alabel, Sarangani Province niadtong Disyembre 10, 2024.
Si alyas “Lanoy” nasikop sa kasong ARSON pinaagi sa Warrant of Arrest uban sa Criminal case no. 03774 -24 nga giisyu sa Presiding Judge sa 11th Judicial Region, Branch 47, Alabel, Sarangani Province, pinetsahan og Septembre 27, 2024 uban ang Piyansa nga girekomendar nga mokabat sa Usa ka Gatos ug Bayente Libo ka Pesos (120,000.00). Sa pagdakop, ang suspek gipahibalo sa iyang konstitusyonal nga mga katungod sa usa ka pinulongan nga iyang nasabtan ug gidala sa Alabel MPS alang sa dokumentasyon ug tukma nga disposisyon.