Sikop sa gipahigayon nga law enforcement operation sa mga personahe sa kapulisan ang usa ka 19 anyos nga lalaki sa krimen nga pagsulay sa pagpatay niadtong Disyembre 9,2024 sa may alas 9:57 ang takna sa buntag didto sa Barangay Balakan, Salug, Zamboanga del Norte.
Naila ang dinakpan nga si alyas “Jay”,19 anyos nga lalaki residente sa nasangpit nga Barangay kinsa gi-alegar sa krimen nga attempted murder.
Nasikop kini pinaagi sa Tracker Team sa Salug MPS ubos sa warrant nga giisyu ni Hon. Grace C. Tillah, Presiding Judge sa RTC Branch 28, Liloy, Zamboanga del Norte, pinetsahan og Nobyembre 21, 2024,nga adunay girekomendar nga piyansa nga mobalor sa Php 120,000.
Ang dinakpan anaa na karon sa kustodiya sa Salug MPS alang sa tukmang disposasyon.(Medalyn U. Borja)
Source: ZNPPO