Sa nagpadayong operasyon sa kapulisan batok sa krimen,usa ka 19 anyos ang nadakpan sa gipahigayong law enforcement operation sa kapulisan mga alas 1:15 ang takna sa hapon, niadtong Disyembre 9,2024 didto sa Barangay Balakan, Salug, Zamboanga del Norte.
Ang maong dinakpan naila nga si alyas “Joel” 19-anyos nga lalaki, ug residente sa samang Barangay kinsa gi-alegar sa paglapas sa krimen nga attempted murder.
Ang pagdakop gipatuman sa Salug MPS subay sa warrant nga giisyu ni Hon. Grace C. Tillah, Presiding Judge sa RTC Branch 28, Liloy, Zamboanga del Norte, pinetsahan og Nobyembre 21, 2024, nga adunay girekomendar nga piyansa nga Php 120,000.
Gipahibalo ang suspek sa iyang mga katungod sa konstitusyon, lakip na ang mga katungod sa Miranda ug ang Anti-Torture Warning Law, ug anaa karon sa kustodiya sa Salug MPS alang sa tukmang disposisyon.(MEDALYN U. BORJA)
Source: ZNPPO