General Santos City – Isip pag-ila sa iyang 31 ka tuig nga dili matarug nga pasalig sa serbisyo sa kapolisan, ang mga kalalakin-an ug kababayen-an sa Police Regional Office 12 mihatag ug Retirement Honors alang kang PBGEN JAMES E GULMATICO, Officer-In-Charge sa Grandstand, PRO 12, Camp Gen Paulino T Santos, Tambler , General Santos City Niaging adlaw, Nobyembre 15, 2024.
Ang nasangpit nga aktibidad gipasiugdahan ni PLTGEN MICHAEL JOHN F DUBRIA, The Acting Deputy Chief, PNP for Operations isip Presiding Officer, kinsa mao usab ang nangulo sa paghatag ug award ug memento sa gipasidunggan.
Gisundan kini sa usa ka audio-visual nga presentasyon nga nagpasiugda sa iyang panaw sa serbisyo sa kapulisan ug sa iyang talagsaong mga nahimo isip top cop niining PRO.
Sa iyang valedictory speech, si PBGEN GULMATICO mipadayag sa iyang dakong pasalamat sa tanang mga tawo nga iyang gikatrabaho, ilabi na niadtong mihatag og suporta sa tibuok niyang karera sa pagkapulis.
Mitambong usab atol sa seremonyas si Hon. Reynaldo S. Tamayo, Gobernador, Lalawigan sa South Cotabato nga naghatag ug inspirasyon nga mensahe nga nag-ila sa sumbanan sa serbisyo nga gitakda ni PBGEN GULMATICO aron sundon sa kapulisan.
Isip kabahin sa Retirement Honors, gitangtang sa gipasidunggan ang iyang PNP badge nga nagtimaan sa katapusan sa iyang panaw sa serbisyo sa kapulisan.
Si PBGEN GULMATICO sakop sa PNPA “SANDIGAN” Class of 1994 ug gikatakdang moretiro sa Nobyembre 17, 2024. (Rem Agdon)
(Source: RPIO-PRO12)