General Santos: Kaso sa dengue sa Alabel, kontrolado matud ni Mayor Salarda

0
0
Joao Paulo Burini/dorioconnell/Getty Images

General Santos City – Kontrolado pa sa lokal nga panggamhanan ug sa Municipal Health Office sa lungsod sa Alabel ang sitwasyon sa dengue sa barangay Dumulok, Alabel, Sarangani Province. Kini ang gibutyag ni Alabel Mayor Vic Paul Salarda.

Visit RPN DXDX General Santos

Subay sa datus nga nakaabot kang Mayor Salarda, anaa sa pito ka indibidwal ang nataptan ug dengue sa maong barangay.

Samtang padayon usab ang monitoring sa MHO-Alabel ngadto sa uban pang barangay kalabutan sa dengue apan giklaro sa mayor nga sa karon ang Barangay Dumulok palang ang adunay taas nga kaso sa nataptan sa maong balatian.

Nakahimo na usab ug interbensyon ang LGU, barangay ug ang MHO sa Barangay Dumulok aron nga mapakgang ang pagsaka sa kaso sa dengue sa maong barangay.

Nagpahigayon na matud pa ug fogging ug pagpanghinlu sa lugar aron nga mabungkag ang mga gipuy-an sa lamok nga posibleng nagdala sa dengue.

Samtang giklaro sa mayor nga sa karon dili pa kinahanglan nga magdeklara ug state of calamity ang lungsod gumikan sa dengue tungod usa lang ka barangay ang apektado.

Pahimangno usab ni Mayor Salarda ngadto sa mga residente sa lungsod nga batasanon nga manghinlu sa ilang palibot. kuhaon ang mga butang nga pwedeng kapuy-an ug pangitlugan sa lamok.

Matud sa mayor nga ang paglikay sa sakit nagdepende matud pa sa matag residente mao nga dapat ang tanan mamahimong responsible.

(Source: MHO-Alabel)

LEAVE A REPLY

Please enter your comment!
Please enter your name here