Suportado ni Governor Peter M. Unabia ang tinguha sa Department of Trade and Industry (DTI)-Region 10 nga padaghanon pa ang produktong gama sa Misamis Oriental gamit ang Business Development Programs, sama sa One-Town One-Product (OTOP) hubs ug pop-up stores alang sa Negosyo Serbisyo sa Barangay (NSB) sa maong ahensiya.
Gani, nanawagan ang Gobernador sa publiko nga mosalmot sa ipahigayong International Food Exhibition (IFEX) 2022 karong Septiyembre alang sa pagpasundayag sa mga bag-ong diskobreng local products nga mahimong mabaligya sa merkado. Dakong kahigayunan kani nga mosaka pa ang halin sa local producers.
Lakip sa gustong ipasundayag ni Gov. Unabia ang Oolong Tea sa Gingoog City nga samtang nagkadugay, nagkasikat sa merkado.
(Source: Misamis Oriental Provincial Information Office Facebook page)