General Santos City – Padayon ang pag pahigayon ug lawom nga imbestigasyon sa kapulisan sa Bula Police Station kabahin sa natigayon nga pagpamusil patay sa biktima nga si Joel Aponesto, 42 anyos, minyo, usa ka Brgy. Collector sa Dadiangas South, ug residente sa purok 2 Fisherman Village, Bula, ning syudad sa Heneral Santos.
Gibutyag usab ni PCpt. Ari Noel Cardos ang Chief of Police sa nasampit nga estasyon nga gisusi na nila ang mga CCTV footages nga ilang gi instalar nga makatabang sa pag ila sa suspetsado.
Samtang gikumpirma usab ni Kagawad Dio Catapang nga ang biktima ang dugay ng trabahante sa Dadiangas South isip revenue collector ug matod pa nga kada gabii kini naga adto sa Southbay aron na mangolekta.
Dugang pa nga sa higayon nga wala pa gitiro ang nasampit naga bilang kini saiyang mga nasingil. (Jun Abelo)