General Santos: Kabataang Sarangans tagaan og incentives ang makasakmit og Latin Honors

0
1

Alabel, Sarangani – Ang Provincial Government sa Sarangani ang mihatag og cash incentives ngadto sa 36 ka mga estudanteng Sarangans nga nakasakmit og Latin honors.

Kini pinasikad sa Provincial Ordinance No. 2021-10-082 nga gi-author ni Sangguniang Kabataan Federation President Rheymar M. Dian, gimugna ang “Youth Excellence Award and Outstanding Sarangani Youth Incentives Program.”

Sumala pa nga gimugna kini, gawas nga mapasidunggan ang mga kabataang Sarangans nga naningkamot nga magmalampuson sa ilang pagtungha og nakakuha og taas nga pasidungog, kini aron usab nga ma-engganyo ang mga kabataan nga magkugi sa pagtuon og maka-partisipar sa pagpalambo sa Probinsya.

Sa maong ordinansya, ang Summa Cum Laude, Magna Cum Laude, ug Cum Laude ang makadawat og P5,000, P3,000, ug P2,000.

Dako ang pagtoo sa sector sa mga kabataan lider sa Sarangani nga kini ang mamahimong inspirasyon sa mga kabataang Sarangani nga magkugi sa pagtoon.

Alang kang Local Youth Development officer John Oliver Tablazon nga programang incentives alang sa mga adunay Latin honors ang magsugod sa tuig 2021 human ang pag-apruba sa ordinansya.

Dugang pa niini, nga ang mga kabataang Sarangans nga adunay Latin honors ang ma-avail ang ilang insentibo pinaagi sa pagpakita sa pamatood sa award, barangay certificate, ug photocopy sa voter registration card.

(Source: Provincial Government Sarangani, photo courtesy by Rey Gatcho)

LEAVE A REPLY

Please enter your comment!
Please enter your name here