Sarangani Province – Misaka ngadto sa 8.4% inflation rate sa Sarangnai Province sa bulan sa Setyembre gikan sa 7.4% niadtong bulan sa Agosto ning kasamtangang tuig.
Sumala kang Marifi De Asis sa PSA-Sarangani nga mas taas ang inflation sa probinsya kung itandi sa 6.9% sa nasud ug 7.0% nga inflation sa tibuok Rehiyon 12.
Mas taas usab ang maong inflation kung itandi sa bulan sa Setyembre milabay’ng tuig. Sama sa Gensan, bulan usab Marso ang may pinaka-ubos nga inflation sa Sarangani Province ug nagsugod ang pagsaka human sa bulan sa Marso.
Dugang pamahayag ni De Asis nga gikan sa 16 ka mga commodity group, ang food and non-alcoholic beverages ang nag-unang kontributor sa inflation sa probinsya nga anaa sa 94.6% share kon 11.5% inflation.
Samtang kontributor usab ang cereal and cereal products nga anaa sa 55.6% kon 10.3% inflation.
Ang restaurant and accommodation, lakip na ang personal care ang adunay mubo nga kontribusyon sa inflation sa Sarangani.
(Source: PSA Sarangani)