Cannery, Polomolok South Cotabato – Pormal na nga gi-ablihan ang Out Patient Care Center ( OCC) sa Howard Hubbard Memorial Hospital nga anaa sa Barangay Cannery, Polomolok South Cotabato.
Atol sa gihimong Grand Opening ganinang buntag, gitambungan kini sa mga dinapig nga bisita gikan sa LGU Polomolok, DOLE Philippines, mga miyembro sa St. Elizabeth Hospital, Davao Doctor’s Hospital ug uban pang stakeholders.
Ang maong OutPatient Care Center ang naglangkob sa mokabat sa 70 ka mga doktor nga andam moserbisyo sa mga katawhan sa South Cotabato nga buot magpatambal sa Howard Hubbard Memorial Hospital.
Ang OCC ang usa ka komprehensibong one-stop-shop sa mga gikinahanglan sa mga outpatient sama sa laboratory, imaging, ultrasound, consultation, ECG, dental care, og parmasya.
Usa kini sa mga hospitals ilalom sa Metro Pacific Health.
Abli kini gikan Lunes- Dominggo, alas-6 hangtud alas 10 sa gabii. (Giovanni Pasco)