31.3 C
Manila
Wednesday, April 17, 2024

Batac: Ilocos Norte Waterpark, malukatanen

- Advertisement -

Agsagsaganan ti Provincial Government of Ilocos Norte iti babaen ti Ilocos Norte Tourism Office iti iyaasidegen ti “summer season” wenno panawen ti kalgaw.

Mainaig iti daytoy, maysa kadagiti maisagsagana nga aktibidad ti baliw a pannakalukat ti Ilocos Norte Waterpark. Manamnama nga opisial a malukatan daytoy intono maika-8 ti Marso.

Daytoy ket kalpasan a naiyakar ti nasao a waterpark iti ili ti Badoc kangrunaanna iti asideg ti La Virgen Milagrosa Cove manipud iti Paoay Lake.

Naammoan a maidiaya ti dua nga oras nga “inflatable play pass iti 279 a pisos, 319 a pisos para iti uppat nga oras idinto a 399 a pisos para iti walo nga oras nga inflatable play pass para kadagiti kakailian ti Ilocos Norte basar iti naamendaran nga ordinansa ti probinsia.

Nailanad pay iti nasao nga ordinansa ti probinsia a ti pagbayad dagiti turista para iti dua nga oras ket 319 a pisos, 399 para iti uppat nga oras ken 479 a pisos para iti walo nga oras.

Maibilang daytoy a nalakalaka no maidasig iti pagbayad iti kallabes a 399 a pisos ti pagbayad iti uneg ti dua nga oras, 499 a pisos para iti kagudua ti aldaw ken 699 a pisos iti agmalem nga “inflatable play pass”.

Mainaig iti daytoy, mabalin dagiti interesado a mapan agay-ayam iti waterpark ti nasapa nga agpabook babaen iti panagtext wenno panagtawag iti 0908-810-8626 wenno ag-message laeng iti Ilocos Norte Tourism page. (Irene Ringor)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -