General Santos: Gihingusgang ginahatagan ug importansya ni Mayor Pacquiao ang mga lumad dungan sa ikawalo katuig nga selebrasyon sa B’laan Day sa General Santos

0
0

General Santos City – Gipasigarbo ni Gensan City Mayor Lorelie Pacquiao ang selebrasyon sa ikawalo katuig nga Blaan Day sa dakbayan sa GenSan kung asa usa kini sa mga pamaagi sa lokal nga panggamhanan sa pagpakita sa importansya sa mga ka-igsuunang blaan sa dakbayan.

Visit RPN DXDX General Santos

Saysay niini nga dako ang kontribusyon sa mga Blaan ug uban pang tribu sa paglambo sa syudad pinaagi sa kultura niini.

Sumala niya nga ang tribong Blaan ug uban pang lumad sa GenSan maoy represenstante sa mga kumyunidad nga nanginabuhihng malinawon sa GenSan.

Gi-awhag usab niini ang mga miyembro sa Blaan ug uban pang lumad nga ipabilin ang mga tradisyon hilabina nga uban niini dinhi lang makita sa mindanao.

Dugang pamahayag ni Mayor Pacquiao nga ilalom sa iyahang administrasyon mao ang paghatag ug patas nga oprtunidad ngadto sa mga kaigsuunang lumad.

Gikan sa edukasyon, trabaho ug bisan na sa hisgutanang medical.

Paniguro niini nga adunay patas nga serbisyo nga madawat ang mga miyembro sa indigenous community sa dakbayan.

Siya nanghinaut nga aduna pay daghan nga mga programa ang mapasa ilalom sa iyahang pagdumala alang sa kaayuhan ug kalambuan sa IP community sa GenSan.

Kalabot niini, gi-awhag ni Mayor Pacquiao ang mga miyembro sa IP community nga suportahan ang lokal nga panggamhanan alang sa padayong kalambuan ug kalinaw.

Sa karon, mas gipalig-on ang kasfala system sa mga barangay nga adunay IP Community aron mas paspas ang pagresolba sa mga problema sulod sa ilahang sektor.

Pasalamat niini ngadto sa sektor sa edukasyon gumikan sa mga lakang nga ginahimo aron matudlo ang kultura sa mga lumad gikan sa musika sayaw ngadto sa literatura. (John Rey Somido)

LEAVE A REPLY

Please enter your comment!
Please enter your name here