Todo pasalamat ang mga residente sa lungsod sa Sibutad sa Gugma-Ayuda ni Nanay Nene Outreach Program nga gipahigayon sa nasangpit nga lungsod niadtong adlawng Sabado, Hunyo 24, 2023.
Lakip sa napahimuslan sa residente sa Barangay Poblacion, Sibutad ug mga silingang barangay niini ang mga serbisyong gilugway sa Provincial Health Office (PHO), Provincial Social Welfare and Development Office ug Office(PSWDO) ug Office of the Provincial Agriculturist(OPAG).
Ang PHO milugway ug libreng konsultasyon ngadto sa 416 ka mga individual nga nagpangidaron ug gikan sa 1  ngadto sa  60 anyos,  144 ka mga individual usab nga nagpangidaron ug 60 anyos pataas ang naibtan ug ngipon, ug 73 ka mga bata ang natuli.
Sa laing bahin, ang OPAG nang-apod-apod usab ug 3 ka libong pakete sa liso sa nagkalain-laing matang sa utanon, 1,000 ka paketeng organic fertilizer ug 350 ka paketeng inorganic fertilizer, 1,000 ka paketeng vermie, ug 1,000 ka paketeng binhi sa mais.
(Source: Provincial Information Center ZaNorte Facebook page)