General Santos City – Nakab-ot sa Department of Health – Center for Health Development (DOH-CHD) SOCCSKSARGEN Region Choir ang top spot sa Paskoral competition nga gipahigayon atol sa Regional Offices Night niadtong Disyembre 20, 2023, sa Alunan Avenue sa Koronadal City.
Ang kalihokan nga adunay tema nga “Sparkling Light of Love, Joy, and Generosity, Shine Bright this Christmas,” nagpakita sa talento ug dedikasyon sa choir.
Ubos sa pagpangulo ni Choir Director Emil Labrador, ang ensemble, nga gilangkuban sa mga miyembro nga sila Hannah Jade D. Dalanon, Aldwin Carl L. Llenado, Sienna Marie R. Sierra, Maria Christina Coral-Pinto, Christian Angelo Dedel, Sarah Jane B. Basubas, Rachel C Barredo, Khate Roween R. Magno, Kim Michael Torilla, ug Ana Marie A. Eredera, nagpakita sa ilang kabatid sa musika. Ang choir gihatagan og premyo nga Php15,000 alang sa pag-angkon sa 1st place sa kompetisyon.
Nahimong posible ang kalamposan pinaagi sa suporta sa mahinungdanong mga tawo, lakip si Godwin Lord Y. Gallo, Chief Administrative Officer, ug Garizaldy B. Epistola, CMT-III.
Ang ilang pagpaluyo nakatampo sa kalampusan sa choir sa paghatud sa usa ka madanihon nga pasundayag nga milanog sa kapistahan nga diwa sa kapaskuhan. (Rey Ombana, photo courtesy of DOH12)