Ini an kinumpirmar ni Police Regional Office 5 Regional Director PBGEN Andre Dizon kun sain wara nin nairehistrong ano man na insidente nin krimen, terorismo, o iligal na droga sa ano man na probinsya.
Sinabi ni Dizon na resulta ini kan mahigpit na pagpaplano asin pagpautob nin mga security measures asin contingency plans kan mga kapulisan. Kasabay pa digdi an pagiging preparado kan mga pasilidad, behikulo asin an pagbabantay sa sitwasyon sa palibot kaibahan na an pagtaltag nin mga magkakasiblag na checkpoint, chokepoint, asin mobile patrol sa mga strategic locations para masiguro an kaligtasan kan mga Bikolano.
Siniguro ni Dizon an pase orden kan 6 na probinsya sagkod sa pagsabat kan bagong taon asin sa mga masunod pang aldaw.
(Source: PNP Kasurog Bicol)