General Santos City – Malipayong nakigtagbo ngadto kang Gensan City Mayor Lorelie Pacquiao kagahapong adlawa (Mayo 20, 2024) ang mga opisyal ug kawani sa Grab Philippines- usa sa mga dakung kompaniya sa Taxi sa nasud.
Sa maong panagtagbo, gipa-ambit nila ngadto kang Mayor Pacquiuao ang paglusad sa Grab Taxi Service dinhi sa General Santos City sa umaabot nga mga adlaw.
Gikalipay gayud sa Alkalde ang maong balita, gumikan makahatag matud pa kini og dugang kahigayonan ug trabaho sa mga molupyo ning dakbayan, ingon man daku kini’g matabang sa paglambo sa ekonomiya sa Gensan. (Rem Agdon)