Gibuhian didto sa kadagatan sa Barangay Dohinob, Roxas, Zamboanga del Norte,pinaagi sa buhatan sa Dohinob Pawikan Rescue Center ang mukabat sa 117 ka Olive Ridley hatchlings kon (Lepidochelys olivacea) niadtong Mayo 14, 2024.
Ang Departamento CENRO Manukan adunay mahinungdanong papel sa pagpanalipod ug pagmonitor sa mga giila nga sea turtle nesting sites.
Ang mga hatchlings sayo sa kabuntagon gibuhian, diin kini kabahin sa 119 ka clutch nga mga itlog nga gibalhin ngadto sa rescue center aron mapanalipdan sila gikan sa lainlaing mga hulga ug aron masiguro ang mas taas nga rate sa pagkaluwas.
Kini gisusi nga regular sa mga hulga sama sa predation ug pagbaha sa panahon sa high tide ang gihimo.
Sila si SAE II Irene L. Wahab, sakop sa COA Auditing Team, DMO IV Eugene S. Celi sa CENRO Manukan, SVEMS Renerio M. Acama sa PENRO Norte, ug mga technical personnel gikan sa PENRO Norte ug CENRO Manukan, kinsa maoy nisaksi sa maong kalihokan.
Sumala sa DENR Administrative Order 2019-09, ang maong klase sa mga pawikan nga Olive Ridley sea turtle,giklasipikar nga apil sa IUCN Red list, usa ka endangered marine turtles nga mahuyang ug pinaka gamay nga espisye sa kalibotan nga makita sa Pilipinas.
Ang paningkamot sa pagkonserba nahimong mahinungdanon alang sa pagpadayon sa biodiversity sa dagat ug pagsiguro sa himsog nga ekosistema sa kadagatan, paykonserba, pag proteksyon sa kadagatan, aron mapalig-on ang pagpanalipod niining mga mahuyang nga matang sa espisye. (Medalyn U. Borja)
(Source: DENR Zamboanga Peninsula)