General Santos City – Giklaro ni Atty. Jose Villanueva, Assistant Regional Director sa COMELEC 12 nga dili ma-aksyunan sa COMELEC ang unsa mang alegasyong vote buying kung i-post lang kini sa social media o sa Facebook ug walay proper complaint nga maka-abot sa ilahang buhatan.
Sumala niya nga ilahang gina-aksyunan mao lang ang mga reklamo bahin sa vote buying nga ginaduol sa buhatan sa COMELEC nga adunay naka-attach nga affidavit lakip ang ebidensya.
Pagpaklaro niini nga kung dili maka-adto sa buhatan sa COMELEC, adunay facebook page nga KONTRA DAYA kung asa pwedeng i-send ang mga dokumento sa mga allege vote buying.
Saysay niini nga kinahanglang verified ang mga reklamo batok vote buying aron usab nga makahimo sila ug aksyon ug dili madaut ang partido o kandidato nga gina-reklamo kung dili tinuod ang mga vote buying issue.
Dugang pamahayag ni Atty. Villanueva nga dili sila maka-aksyon kung sa facebook lang i-post ang mga allege vote buying gumikan dili nila makuha ang punto niini.
Posible matud pa nga pagapngdaut sa kontra partido o pulitiko, rason nga ang reklamong vote buying ang kinahanglan gyud nga i-duol sa ilahang buhatan lakip ang ebidensya ug affidavit sa reklamante. (John Rey Somido)
