Sarangani Province – P2.4 milyones ang nagpaabot sa mga mananaog sa 2023 Search for Cleanest and Greenest nga takdang ipasi-ugda sa kagamhanang Probinsiyal sa South Cotabato. Subay kini sa pagbutyag sa gibutyag sa Provincial Clean and Green Search Technical Working Group (TWG).
Kahibalo-an, nga ang South Cotabato Province,gilangkuban sa 10 ka lungsod ug 1 ka siyudad ug ipaagi ang kompetisyon sa Inter-Barangay Cleanest and Greenest Search nga adunay nakagahing tag-P P218,400 nga cash incentives isip premyo.
Ang migawas nga kwentada sa cash incentive kada LGU mokabat sa P100,000 alang sa unang ganti, P50,000 sa ikaduhang ganti, P35,000 sa ikatulong ganti, P20,000 sa ikaupat nga ganti ug P13,400 sa ikalimang ganti.
Apan ang participating LGU, matod sa Provincial Search TWG, adunay opsyon sa paghatag ug special awards kon aduna silay pundo nga i-alokar alang sa maong contest.
Ang mamahimong “top 3” Best Community Garden nga paga-evaluate usab sa TWG makadawat og P20,000 matag usa gikan sa Dole PhilippinesInc. kinsa maoy takdang mo-sponsor sa cash incentive.
Ang Inter-Barangay Contest nga pangunahan sa tagsa-tagsa ka LGU Clean and Green Search Committee gitakda gikan sa Agosto hangtod sa Septiyembre ning tuig 2023.
Samtang ang ebalwasyon ug balidsyon, lakip na ang Best Community Garden sa himo-on sa Septiyembre hangtod Oktubre ning tuiga gihapon.
Ang awarding ipahigayon atol unya sa South Cotabato Ecology Day culmination program nga gikatakda sa ikatulong semana sa Nobyembre 2023 nga giselebrar isip Environmental Awareness Month, Clean Air Month and Climate Change Consciousness Week.
(Source: PLGU-South Cotabato)
