General Santos City–Aminado si Dr. Jett Oco, labaw sa city health office Gensan nga dako gyud ang ilahang gina-apas nga numero para sa booster dose aron maangkon ang 50% gikan sa mga fully vaccinated individualĀ nga mukabat sa 97, 233.
Sa karon, anaa sa 6, 076 ang ilahang target matag adlaw nga mahatagan ug booster shot kung asa ilahang ginabantayan mao ang mga nakadawat na ug 2nd dose nga qualify na para sa booster shot hilabina sa sektor sa senior citizen.
Pag-angkon niini nga subling nagataas ang kaso sa covid sa dakbayan apan gibutyag niya nga wala nay natalang nga mga severe o critical casesĀ ug kini mo ang tumong sa paghatag ug bakuna kontra covid.
Dugang pamahayag ni Dr. Oco nga kinahanglan pang bakunahan ang mukabat sa 6, 958 nga mga senior citizen ron ma-angkon ang 90% gikan sa ilahang target nga 40, 745.
Samtang sa mga kabataan edad 5 anyos ngadto na onse anyos,Ā ana pa lang sa 14, 886 kon 22% ang fully vaccinated gikanĀ sa ilahang target nga 66, 431.
Ila na matud pang gipaningkamutan nga mahatagan ug bakuna ang nahibiling 23, 837 nga wala pa gyud makadawat ug 1st dose gumikan subay sa memorandum sa department of education, magsugod ang face to face classes sa Nobyembre 2.
(FRED DEGALA)