GENERAL SANTOS CITY – Generally peaceful ang gipahigayon nga Barangay ug SK Elections sa 26 ka barangay sa dakbayan tungod walay gikataho nga unsa mang panghitabo nga may kalabutan sa pinili-ay. Gikan pag-abli sa mga polling precinct hangtud sa pag-ihap sa mga balota nakatotok ang publiko sa mamahimong resulta sa piniliay. Bisan sulod sa mga presento nakita ang lu-ag nga pagsulod sa mga botante butang gikalipay sa mga residente tungod ilang nakita nga hapsay ang pinili-ay dili sama kaniadtong 2022 nga hilabihan kaguot sa mga tawo gikan sa entrada sa mga polling centers hangtud sa mga polling precints kini tungod daghan ang mga tawo. Hinuon adunay pipila ka reklamo nga gisiradhan sa mga board of election tellers ang mga presento dihang nagsugod na ang inihapay sa balota.
Apan kasagaran gikaingon nga han-ay ang pag-ihap sa mga balota tungod naa lamang sa lingkuran ang mga poll watcher nga naminaw sa proseso.
Bisan ang mga tawo nga naa sa gawas sa mga presento nakauyon sa gipatuman nga paagi sa mga board of election tellers. Sa area of responsibility sa Bula Police station may girespondihan nga tawo sa Bula central Elementary School tungod gikabalak-an nag maghatag ug kasamok busa ilang gipagawas ug gidala sa presento. (Jun Abelo)
