Puros nakalas ang duha ka mga bata tungod sa sunog atol sa adlaw sa pinili-ay sa Barangay ug Sangguniang Kabataan 2023.
Ang sunog nadawat sa kabomberohan sa lungsod sa Carmen, pasado alas 9:00 kagabii, Oktobre 30, 2023, didto sa Purok Bas, Barangay Dawis Norte, lungsod sa Carmen, probinsya sa Sugbo.
Ang mga biktima nga mga bata nagpanuigon og 5 ug 8 anyos nga nagpuyo sa usa ka balay.
Sa inbestigasyon sa kapulisan sa lungsod sa Carmen pinaagi ni Police Chief Master Sergeant Arniel Manos, inbestigador sa Carmen Police Station nga kagabii niulbo ang sunog sa usa ka balay nga hinimo sa light materials.
Adunay upat ka mga bata atol sa maong sunog diin ang duha ka mga biktima wala ka gawas tungod sa kakusog na sa kalayo.
Nasayran usab nga ang mga ginikanan niadto sa silingan nga wala nila nabantayi nga nasunog na diay ang ilang balay.
Sa gihimo usab nga inbestigasyon sa kabomberohan sa maong lungsod na tungod sa kandida nga natumba maoy hinungdan sa sunog.
Ang maong pamilya nigamit lang og kandida para iwag sa ilang panimalay tungod sa kawad-on sa kinabuhi. (Renante Lada, photo credits to the owner)