General Santos City – PORMAL nang gi-proklama sa City Board of Canvassers kaganinang buntag, Mayo 13, 2025 ning dakbayan sa Gensan ang bag-ong napili nga Kongresista nga si SHIRLYN BAÑAS ug bag-ong Bise Mayor nga si ATTY. JOSE EDMAR YUMANG nga pulos ilalum sa partidong RCRI-AIM alliance ug PDP- LABAN.
Kini human maoy gideklarang manana-ug si Cong. Bañas sa pagka-Kongresista ning s’yudad human nakakuha og 163,511 nga boto batok sa kaatbang niining si Cong. Ton Acharon ilalum sa nga PCM Party nga nakakuha lama’g 92,771 nga boto.
Nakuha usab ni Atty. Yumang ang 139, 050 nga boto isip bag-ong Vise Mayor sa Gensan batok kang City Councilor Odjok Acharon nga naka-angkon lamang og 115,140 nga boto.
Gawas kang Cong. Banas ug Vice Mayor Yumang, pormal sab gi-proklamar sa City Board of Canvassers si encumbent Gensan City Mayor Lorelie Pacquiao human kini gideklara nga maoy mananaug sa bag-ohay lamang nga eleksiyon sa boto nga 147, 992 batok sa kaatbang niining si kasamtangang City Vice Mayor Rosalita Nuñez nga nakakuha lama’g botong 117, 844.
Lakip pa nga gi-proklamar sa COMELEC-GENSAN ang 12 ka mga City Councilors nga gilangkoban nila:
1. Jonathan Blando – 130,853 votes
2. Cesar Bañas Jr. – 125,466 votes
3. Bing Dinopol – 123,986 votes
4. Beth Bagonoc – 115,045 votes
5. Ralph Ronald Yumang – 114,748 votes
6. Atty. Jeng Gacal – 109,680 votes
7. Michael Pacquiao – 108,604 votes
8. Virgie Llido – 108,406 votes
9. Richard Atendido – 108,228 votes
10. Monching Melliza – 107,650 votes
11. Dom Lagare – 102,833 votes
12. Doc Joey Dinopol – 102,027 votes
Molingkod sa tagsa-tagsa nila ka mga posisyon ang nasampit nga mga manana-ug sugod Hulyo 1, 2025. (Rem Agdon)