Ang buhatan sa Traffic Management ning dakbayan sa Dipolog kinsa nagpahibalo sa tanang mga motorista nga kini ang hugtanong moimposar sa mga balaod sa trapiko dinhi sulod sa dakbayan sa Dipolog.
Ang maong pagpatuman sa nasangpit nga buhatan himuon pinaagi nakitang obserbasyon nga adunay sa gihapon milugwa nga mga problema sa natad sa trapiko sa sulod ning syudad,tungod kay daghanan sa mga mga motorista nga dili pa hingkud sa kahibalo para makatuman sa balaod sa trapiko.
Usa sa hugtanong e-implementar mao ang balaod kalabot na sa mga gidesignar nga Bus Stops alang sa mga dagkong sakyanan sama sa Buses ug Coasters nga nasigpatang mukalit lang sa paghunong bisan asang dalan diin nahimutang dapit dinhi sulod sa siyudad aron lang magpakanaug ug mopasakay sa mga pasahero.
Matud pa kung sikinsa man ugaling dili mutuman sa nasampit nga mga buses ug coasters sa paghunong sa mga tukmang Bus Stop areas kini gapaila nga gibalewala kanila ang balaod sa trapiko. Diin kini ang nakitang hinungdan nga matigaw ang kadalanan ug magubot na unya ug muresulta sa trapiko sa kadalanan.
Bisan paman gapatuman na sila sa maong mando, adunay gihapon wala mipatuo, hinungdan nga gihimo-an na kini ug hugot nga pagpatuman sa maong buhatan, aron sa masilotan kadtong mga drivers nga padayong gahimo ug wala mituman sa balaod sa Bus Stops.(Angelica T. Obina)
Source: Dipolog City Information