General Santos City – Ang Regional Awards Committee (RAC) nagpahigayon sa Local Legislative Award (LLA) Assessment sa Sangguniang Panlungsod sa General Santos City kagahapong adlawa, Septiyembre 25, 2023 sa Sangguniang Panlungsod, Legislative Building, ning Siyudad. Sa iyang welcome message, giila ni Bise Mayor Rosalita Nuñez ang Regional Awards Committee, DILG ug mga Konsehal sa dakbayan nga gilangkoban nila: Jose Orlando Acharon, Richard Attendido, Jonathan Blando, Dominador Lagare, SK Federation president sa GenSan Hon. John Salvador D. Demdam, DILG City Director Rilimin H. Sandoval ug mga kawani sa DILG.
Samtang, sa mensahe ni Gensan City Mayor Lorelie Geronimo Pacquiao, kinsa girepresentahan ni Executive Assistant Dave Homo, nipaambit sa mensahe nga ang pag-ila ug dungog kinahanglang ihatag sa Sangguniang Panlungsod. Ang Local Legislative Awards gilusad sa Philippine Councilors League (PCL) sa pakigtambayayong sa Department of Interior and Local Government (DILG) aron pag-ila sa maayong performance sa mga konseho sa dakbayan ug munisipyo nga nagsuporta sa kabubut-on pagtabang sa lokal nga administrasyon. (Rey G.Ombaña)