Davao City – Nasakmit sa mga sakop sa Bureau of Customs (BOC) XI, Task Force Davao ug Davao City Police Office ang kapin P28,800,000 sa mga smuggled nga sigarilyo sa Minterbro Wharf, Brgy Ilang, Davao City.
Nakumpisma sa mga otoridad anv 1,152 nga karton sa mga smuglled nga sigarilyo nga gisakay sa usa ka barko nga adunay boat number BARMM-BAS 032623-651.
Sumala ni Police Captain John Louie Dema-ala, Public Information Officer sa Task Force Davao, 13 ka mga indibidwal ang sakay sa giingong barko kinsa daling nasikop sa mga otoridad.
Dugang niini, kasagaran sa mga nadakpan nagkita sa Zamboanga City ug Basilan.
Sa karon, naka-kustudiya sa BOC XI ang mga dinakpan ingon man ang mga smuggled nga sigarilyo. (Camille Santos Naraga)
(Source: Task Force Davao)