GENERAL SANTOS CITY – ARESTADO ang duha ka laborer human nga naimbargohan og iligal nga droga nga mobalor P107,080.00 sa Employees Village, Brgy Fatima, Gensan. Giila ang mga dinakpannga sila Jeferson G. Alisaca a.k.a. “Jepjep”residente sa Upper Acharon, Brgy Calumpang, ug Ronald C. Bulanon a. k.a. “Adeng” Prk. 18 employees Village, Brgy Fatima nga susamang mga laborer sa fishport. Nakumpiska ang mga ilegal nga droga gikan sa duruha human kining nikagat sa gipahigayon nga buy bust operation sa mga otoridad sa Police Station 7 kaabag ang Joint operation Atol sa operasyon nakuha gikan sa dinakpan usa usa ka gamay’ng putos nga iligal nga droga nga ana sa 0.15grams nga adunay street value nga P1,000. Nakuha usab sa posisyon ni alyas Jepjep ang usa ka dakong putos nga gituohong shabu nga motimbang 5 grams nga nagkantidad P34,000.00 og kepypad nga cellphone. Samtang nakumpiska usab kang alyas Adeng ang lain pang duha ka dagkong putos sa shabu nga motimbang matag usa 5grams nga mo balor P68,000.00 upat ka gamay’ng putos sa iligal nga shabu nga motimbang og 0.6grams matag usa nga nagkantidad og P4,080.00 nga anaa sa sulod sa brief sa dinakpan ug buy bust money og keypad nga cellphone nga na recover sa bulsa sa iyang pantalon. Kasong pag lapas sa RA 9165 o comprehinsive dangerous drugs act of 2002 ang atubangon karon sa mga dinakpan. (Jun Abelo)