Dipolog: Mga atletang misalmot sa Palarong Pambansa mi courtesy call sa Kapitolyo

    By
    RPN Radyo Ronda
    -
    0
    19
    Mi-courtesy call  sayo ning semanaha ang mga magdudula sa Zamboanga del Norte nga nagmadaugon sa ilang gisalmotang dula sa gipahigayong Palarong Pambansa 2023 didto sa Dakbayan sa Marikina.

    Si Provincial Administrator Mr. Wilbert “Jojo” Magallanes, kauban ni Executive Assistant IV, Mr. Aurelio Monteclaro, mainitong midawat sa delegasyon sa Zamboanga del Norte nga membro sa Zamboanga del Norte, Dipolog and Dapitan City (ZANDIDAP) nga lakip sa Zamboanga Peninsula Regional Athletic Delegation.

    Giila ni Mr. Arthuro J. Lamdag, Division Sports Officer sa Zamboanga del Norte Division ang mga nagmadaugong atleta nga sila si Sherwin Brylle II Gom-os, sa Banigan Elementary School-bronze medalist sa tennis-boys; Tyron B. Quillosa sa Sindangan National High School-gold medalist sa boxing; Grace Crislyn Anticristo- silver ug bronze medalist sa athletics nga estudiante sa Polanco National High School; Juliet Pagasian sa Sergio Osmeña NHS-Bagong Baguio Extension, bronze medalist (billiard); John Raznove Iganera-(ZNNHS), bronze medalist-wushu, Andrea Jennifer Ondol-bronze medalist-badminton, Brix Gutierez, ZNNHS-bronze medalist-badminton, Angel Uriel Zamora-Rizal Memorial Institute, Dapitan City, Silver medalist-Badminton doubles, John Loyd Quimiging, Dapitan City NHS-Dapitan City NHS-Bronze medalist-Badminton mixed doubles, Angel Uriel Zamora-RMI of Dapitan City NHS-Bronze medalist-badminton mixed doubles ug Christine Mae E. Gulagula-Dapitan City NHS-bronze medalist-tennis singles.

    Alayon niini, mapasalamatong ug dako si Mr. Lamdag sa ngalan sa Zamboanga del Norte Schools Division nga gipanguluhan ni Dr. Tuballa sa suportang gihatag sa Kagamhanang-Probinsyal sukad pa sa pagsugod sa Regional Meet, gikan sa sakyanan, pagkaon ug daghanan pang uban, ilabi na ang 10 mil pesos nga cash incentives nga nadawat sa mga atletang miqualify sa Palarong Pambansa.
    (Source: Provincial Information Center ZaNorte Facebook Page)

    Leave a Reply