Nag-atubang og daghang kaso ang usa ka drug suspect human masikop sa gipahigayong anti-illegal drug entrapment operation sa Tupi Municipal Police Station sa probinsiya sa South Cotabato, niadtong Huwebes Santo, Abril 6.
Sa impormasyon gikan sa South Cotabato Provincial Police Office, giila ang suspek nga si Ruben Fuentispina Estapon, Jr. alyas “Jokjok” ug residente sa Purok 23, Mabuhay, General Santos City.
Atol sa operasyon, giingong gibaligyaan ang suspek og usa ka small size sachet nga adunay sulod nga gituohang “shabu”. Nakuha usab gikan sa posisyon ni Jokjok ang 10 gramos nga drugas nga mobalor og P68,000.00.
Ang dinakpan nga suspek giturn-over dayon sa Tupi MPS alang sa katugbang nga disposisyon sa umaabot nga kaso.
(Source: Tupi MPS)