Nalutsan og dili muminos sa 50 ka mga kasong Estafa ang usa ka babaye nga namaligya og yuta ug balay sa Dakbayan sa Lapu-Lapu nga walay mga klarong dukyumento.
Ang suspetsado na dinakpan gitago sa pangalan nga Lorna, hingkod ang panuigon,nagpailang sakop sa Lumad, taga Dakbayan sa Lapu-Lapu.
Ikaduha na ka hugna ang pagdakop niadtong Marso 28,2023 sa hapon human sa hearing niini sa RTC, Lapu-Lapu City.
Mahinumduman nga niadtong niaging tuig gidakop usab kini sa kapulisan sa Dakbayan sa Lapu-Lapu sa susamang pasangil apan nakapiyansa.
Sa nasayran nga tulo ka mga luna ang gipang baligya niini didto sa Dakbayan sa Lapu-Lapu bisan paman sa kakuwang sa mga dukyumento nga dili muminos 200 ka mga investors o dul-an 300 ka mga tawo ang nipalit sa gipangbaligya nga balay ug yuta.
Segon pa sa mga investors adunay nakabayad sa halos tag P100,000 ug aduna puy nakabayad sa dul-an sa usa ka milyon ka pesos.
Gilauman nga daghan pang mga reklamong Estafa ang isang-at batok sa maong suspetsado nga nisuway pag piyansa sa nakalabay nga adlaw.
Nag awhag ang kapulisan sa Siyudad sa Lapu-Lapu nga makig alayon lang sa ilang buhatan kung adunay dugang reklamo batok sa suspetsado. (Renante Lada, photo credits to the owner)