General Santos: 50 KA PULIS GIBANSAY PAGGAMIT SA ARNIS SULOD SA 45 KA ADLAW

General Santos City – MALAMPUSONG mi-graduwar ang 50 ka pulis nga sakop sa Police Regional Office (PRO) 12 sa 45 ka adlaw nga pagbansay og arnis pinaagi sa Tactical Arnis Course.

Gihimo ang graduation ceremony kagahapong adlawa, Enero 31, 2025, diin maoy guest speaker sa maong seremonya si PRO-12 Acting Regional Director ARNOLD ARDIENTE nga gipahigayon sa

Grandstand sa PRO 12, Camp Gen Paulino T Santos, sakop sa Brgy. Tambler, General Santos City.

Tumong sa maong pagbansay aron mahitsasan sa hustong kahibalo sa pag-depensa sa kaugalingon ug sa komunidad ang pipila ka kapulisan sa PRO-12 gamit ang Arnis.

Pipila sa mabulokon nga talan-awon atol sa maong seremonyas ang pagpakita sa kahanas sa mga partisipanteng pulis sama sa Defense and Offense, Weapon Retention, ug Disarming Techniques nga gikinahanglan sa pagbuhat sa mga katungdanan, ilabi na kadtong na-assign sa operational units ug kadtong nagpatrolya sa kadalanan. (Rem Agdon)