General Santos: 4 ka bag-ong balay, giturn-over sa LGU Malapatan sa mga benepisaryo

Malapatan, Sarangani Province – Dili matukib ang gibating kalipay sa 4 ka pamilyang nahimong benepisaryo kagahapong adlawa, Abril 2 sa PABAHAY PROGRAM sa LGU-Malapatan nga mapalgan sa Purok San Roque, Brgy. Poblacion, Malapatan, Sarangani Province.

Sila ang mga nahimong apektado sa padayong gitukod nga Sewegage project nga mapalgan sa baybayon sa maong lungsod ug gi-relokar pinaagi sa libreng Housing project sa nasampit nga dapit.

Gikabutyag, nga ang naasoy nga PABAHAY PROGRAM gakantidad kini’g P10 milyones gikan sa lokal nga pundo ug aduna kini’y kinatibuk-ang 25 ka mga panimalay nga gigahin alang niadtong gusto mobalhin magpuyo palayo sa baybayon.

Butyag ni Mayor Sumbo, nga gawas sa maong PABAHAY aduna pa’y dugang motumaw nga Housing project sa naasoy nga dapit nga pagapundohan sa NHA-National Housing Authority. (Giovanni Pasco)