General Santos City – Sa bag-o lang natapos nga seremonya sa “Pugay Tagumpay” nga gipahigayon sa Lagao Gymnasium ning milabay’ng adlaw, adunay kinatibuk-ang 230 ka exited pantawid members gikan sa 26 ka Barangay sa General Santos ang opisyal nga nigawas o migrasuwar na sa maong programa isip usa ka testamento sa ilang pag-uswag sa kinabuhi.
Si Jake Roxas, Project Development Officer II sa 4Ps Case Management Unit, nisaksi sa kalihokan ug nagpasalamat sa mga naghinam-hinam nga benepisyaryo sa pagtabang sa ilang kaugalingon gikan sa programa.
Gihatagan usab niya og gibug-aton ang aktibong suporta sa local government unit, ahensya sa gobyerno, ug civil society organizations sa kinatibuk-ang kaayohan sa ilang mga benepisyaryo sa 4P ug nangayo og padayon nga suporta alang sa ilang after-care services.
Mitambong atol sa seremonyas mao sila si Ms. Teresita Guylan, SarGen Provincial Link, Atty. Nikki Catolico, Executive Assistant ni City Mayor Lorelie Pacquiao, ug uban pang lokal nga opisyal.
Ang mandato sa DSWD nga ibalhin ang mga sakop sa Pantawid nga dili na kabus aron maatiman ang daghang dili 4Ps nga mga pamilya nga nanginahanglan suporta pinansyal sa gobyerno. (Rem Agdon)
(Source: DSWD)