Laing unom (6) na usab ka mga proyekto ang gikatahong natapos sa pagtrabaho, sigun sa makita dinha sa Monthly Project Status Report alang sa bulan sa Oktubre ning tuiga, gikan sa buhatan sa City Engineering nga gisubmiter ngadto sa buhatan ni City Mayor Darel Dexter t. Uy.
Sumala sa nahipatik sa maong report, nasayran nga aduna na usa’y pipila ka mga proyekto ang gikatahong natapos sa pagtrabaho,nga gilangkoban sa 1.) Construction of Sunset Footbridge, didto sa Barangay Miputak, nga nasayrang gipahatan sa kantidad nga dul-an P375,000.00, nga natapos niadtong nakalabay nga Octobre 30, ning tuiga, 2.) Renovation of CDRRMO and TMO Satellite Office nga nahimutang didto sa Barangay Minaog nga gipondohan usab sa dul-an sa P597,120.00, nga natapos usab niadtong nakalabay nga Septyembre 17, ning tuiga, 3.) Fabrication of 20 Units Reinforced Concrete Septic Vault for Hazardous Waste sa Corazon C. Aquino Hospital, sa Barangay Biasong nga nagkantidad og kapin sa uno ponto siete milyones ka pesos (P1,706,799.95) nga natapos gihapon niadtong nakalabay nga Septyembre 9, ning tuiga 4.) Repair of Listo Center and Tower didto sa Dipolog Boulevard nga gipondohan usab sa dul-an sa P597, 012.00, nga natapos niadtong nakalabay nga Septyembre 9, ning tuiga 5.) Repainting of Guardrails, Curbs and Gutter, Pedestrian Lane nga gipahatan usab sa kantidad nga dul-an P500, 000.00, didto sa Lacaya Street Extension, nga natapos gihapon niadtong nakalabay nga Octobre 31, ning tuiga ug 6.) Flooring of Listo Center Ground Area, Cogon Fire Sub-Station didto sa Barangay Cogon nga gipondohan usab sa dul-an sa P135,000.00, nga natapos usab niadtong nakalabay nga Septyembre 27, ning tuiga.
Gawas niini, aduna usa’y pipila ka mga proyekto ang matud pa padayong gitrabaho nga hapit na matapos nga gilangkoban 1).Const. of New Building (2 storey 4 classroom) @ Laoy Elementary School nga anaa na sa 95% nga pagtrabaho, nga gipahatan sa kantidad nga dul-an sa P5,326,418.13 didto sa Barangay Olingan, 2.) Road Opening from Sitio Virginia to Sitio Pangyan didto sa Barangay Diwan nga anaa na sa 90% ang pagtrabaho sa pondo nga P1,400,000.00 , 3.) Declogging of Olingan Creek didto sa Barangay Olingan nga anaa na sa 78% na usab ang pagtrabaho uban sa pondo nga usa ka milyon ka pesos ug 4.) Const. of Septic Tank & CR Ground Floor @ New City Health Office (Revised #2) didto sa Barangay Biasong nga anaa na sa 75% ang pagtrabaho sa kantidad nga kapin sa us aka milyon ka pesos (P1,074,000.00).
Sigun sa nasayran gikan sa maong binulang project report, nga aduna pa’y daghanang mga proyekto ang padayong gipa-ilawom sa pagtrabaho pinaagi sa City Engineering Office, ning siyudad, diin sigun sa nahipatik, aduna pa’y daghanang mga proyektong gilaoman nga matapos sa dili madugay, nga tuyong gimugna karon ilawom sa kasamtangang liderato ni City Mayor Darel Dexter T. Uy alang sa mga katawhang Dipolognon. (CIO-jms)
(Source: Dipolog City Government Facebook page)