General Santos City – Ang duha ka mga dagkung opisyal sa Criminal Investigation and Detection Group (CIDG) Region 12 nga sila PCOL Joefel Siason, Regional Chief sa CIDG 12, ug PLTCOL Eugene Balugo, Deputy Regional Chief sa CIDG 12 nakigtagbo kang Gensan City Mayor Lorelie Geronimo Pacquiao kagahapong adlawa.
Katuyoan sa maong pagbisita nga mapalig-on ang relasyon sa lokal nga kagamhanan ug sa CIDG-12aron masiguro ang epektibong pagpatuman sa balaod ug kalinaw sa dakbayan.
Gidayeg ni Mayor Pacquiao ang inisyatiba sa 2 ka dagkung opisyal sa CIDG-12 nga makig-alayon sa lokal nga kagamhanan ug subling misuporta sa mga programa nga nagpasiugda sa kaluwasan ug kahapsay sa General Santos City.
Sa samang higayon, iyang gipasalig ang padayon nga kooperasyon sa lokal nga kagamhanan sa paghatag og tabang ug suporta sa mga pangandoy sa nasampit nga hanay sa kapulisan. (Rem Agdon)